पाचगणी पसरणी घाटातील चित्र

चित्र- पाचगणीच्या पसरणी घाट परिसरात काढलेलं  छायाचित्र
वृषाली गोखले
परसरणीच्या भैरी देवा
तुझ्या घाटात निसर्ग मेळा
पळस हा फुलला देवा
मनी उपजला भाव भोळा
बहरला पळस शेंदरी
किमया ही अद्भुत न्यारी
मागे भव्य निळे आकाश
रेखीव फुलला सूंदर पलाश
भरे स्वानंदे हृदयाकाश
ऋतुसंगे जुळले अतूट पाश
सविता गणेश
थेंबा थेंबात रे देवा
तुझाच श्वास
कणा कणात मातीच्या
तुझाच रे भास
नीलनभाची सावली
हिरव्या पानांची दुलई
माळावरी तु एकटा
तरी रंगलास शेंदुरी
ओढ लागते मनाला
तुझ्या कुशीत शिरावे
शिणलेल्या या जीवाला
तुझ्या रंगाने भरावे
अंजली जोशी
सृष्टी ची सुंदरता
रंगरुप लेवून आली
दृष्टी सुखाचा सोहळा
मनात रेखून गेली
निळ्या आभाळी लाल फुलांचा बहर
देवाजीच्या जादुगिरीला
जोडूया हे कर
स्मिता परदेशी-करंजकर
निळ्या आभाळी लाल केशरी
पळस फुलांचे तुरे उभारी
हिरवी पिवळी सृष्टी ही तर
जणू तेजाचे वस्त्र सावरी
रंगांची ही मुक्त उधळण
इंद्रधनू जणू मोद तुषारी....
   
अनिता लुगडे
नीलनभाच्या पटलावरती
चित्र कोण हे रेखितो?
रंग केशरी हिरवे पिवळे
  नक्षी सुंदर काढितो

कल्पना देशमुख
निळ्या आसमंतात फुलला पळस
वसंत ऋतूला आली बहार
रानोरानी शेंदरी पिवळ्या रंगाची उधळण
सृष्टीही सजली लेऊनी सोळा श्रृंगार
दीपा ठाणेकर
हिरव्या पिवळ्या शेतावरी ,
जडली जवाहिरे सोनेरी ,
जडली जवाहिरे सोनेरी ,
पळसपर्णांची गर्द लाली,
पळसपर्णांची गर्द लाली,
नीलांबरी ही नक्षी झाली .
नीलांबरी ही नक्षी झाली,
लाज लजवंतीच्या गाली.
लाज लजवंतीच्या गाली,
पारवा कुणी फेरी घाली..
पारवा कुणी फेरी घाली,
लजवंतीशी भेट झाली.
लजवंतीशी भेट झाली.
सारी सृष्टी तृप्त झाली....
दीपा ठाणेकर
निळ्याशार जलाशयाशी
बर्फाच्या अगणित राशी,
रविकिरणे तयावर पडती,
सोनेरी झळकल्या जलराशी.
पाहून मेघ आकर्षिले,
घेऊनी जलधारा आले,
पुलकित झाला मातीचा कण,
सुगंधित आज तन न् मन..
#ज्ञानभाषामराठीप्रतिष्ठान
#माझीशाळामाझीभाषा
#चित्रकविता

Comments

Post a Comment

Popular posts from this blog

निष्पर्ण झाड

Image
 चित्र-निष्पर्ण  झाड   प्रीती कामत तेलंग त्यजूनिया पर्णराशी, ना त्याची खंत उराशी फलद्रुप होता जन्म सार्थकी, उणे न काही मम भाग्यासी।  प्रो. भारती प्रभू पानगळच ती...          आशा निराशेच्या झोक्यासारखी                    कधी उधळुन संपलेली          कधी बहरण्या आसुसलेली.    अंजली जोशी निष्पर्ण देह जरी झाला कृतार्थ जन्म हा माझा जीव एकच जरी हा माझा शतबीज सृजने बरसला  वृषाली गोखले पानगळ होई,परि सुप्त बीजे, बदलला ऋतू फिरुनी वृक्ष सुपर्णे पुन्हा विराजे मोद बहरे,सृष्टीत बहरुनी  स्मिता परदेशी सृजनशील सख्या ..... त्यांच्या कल्पकतेचा दरवळ उत्साहाची बीजे स्फुरती नैराश्याची आपसुकच पानगळ            सविता करंजकर पर्णहीन तरी लक्ष करांनी तू देशी आम्हां फळे.. किमया  त्या निर...
Read more

मधमाशी पोळे

Image
दुसऱ्यासाठी करी कर्म... हाच यासाठी श्रेष्ठ धर्म.... डॉ.अस्मिता भस्मे  मधुर रसाचा संचय करण्या नित्य निरंतर कार्य करी षटकोनांचा मधुकोष भरण्या सदैव सज्ज मधुमक्षिका ही अनिता संपत लुगडे. शिक्षिका, चेंबूर हायस्कूल.   मधुघट मधुघट हा तो साक्षात् अमृत! निसर्गाची ही करणी अद्भुत! फुलामधिल ही *मधु* संपत्ती! पळती व्याधी आणि विपत्ति संघकार्य ते अपूर्व,रेखीव! योजन सुद्धा,असते आखीव! सारे शिस्तीत,सारे नियोजित! जमून येते सर्व सुसंगत! किमया ही तर नयनमनोहर! आपण शिकूया,कार्य खरोखर! वृषाली गोखले  मधमाशी एक कीटक अनेक प्रजाती यात मकरंद करी गोळा साठवण करी पोळ्यात     समुहात हिचे वास्तव्य     विनाविश्रांती चाले कार्य     मधमाशांचे संवर्धन करूनी     करा निसर्गास सहकार्य..!! सौ. कल्पना देशमुख  किती सुंदर पोळे बघता क्षणीच मन मोहे अदभुत किमया मधमाशीची पोळ्यावरती मेणाचा थर पोळ्या खाली मधुर मध खरी किमया तर निसर्गाचीच वंदना नागरगोजे धन्यवाद!! #ज्ञानभाषामराठीप्रत...
Read more

दवबिंदू आणि निसर्गचित्र

Image
 चित्र-दवबिंदू आणि निसर्गचित्र   मोक्षदा नूलकर पानावरती दवबिंदू चे कोंदण हे कोणी शिंपले अलगद धरणी मातेने प्रेमाने ते झेलले  सौ.चंदना कैलास उतेकर झिरपले असते अस्तित्व काळ्या आईच्या कुशीत विसावलो होऊन जलबिंदू अलवार हरित पर्णराशीत  सविता करंजकर पहाट समयी सखे साजणी दवबिंदूंचा सडा अंगणी.. जणू गळाली आकाशातून अलगद एक टपोरी चांदणी.. क्षणभंगुर जरी आयुष्य दिधले रुप देखणे किती लाभले.. त्यातच त्या दिनकराने त्या मोत्याला दर्पण केले...  अंजली जोशी रूपं तुझे आरस्पानी वर्ख चंदेरी रेखे रवी मातीमध्ये मिटण्या आधी जगशी घटिका सौंदर्यांची  दीपा ठाणेकर मातीच्या गर्भामध्ये कोरडा उन्हाळा, ढेकळा ढेकळामध्ये पडती शुष्ककळा, पर्ण हिरवे ,सुके ओलेत्या गारव्याचे, देती संजीवन झेलूनी थेंब अळवाचे, (शुष्ककळा नवीन शब्द तयार झाला असावा - काव्यतून , साहित्यातून काही नवीन शब्दाची भर घातली जात असते... जसे पुष्कळा वगैरे...)  अनिता लुगडे गवताचे पाते त्याचे दवबिंदूशी नाते धरतीचा अंकूर जणू आकाशाला भेटे  वृषाली गोखले काळी आई आसुसली, नवनिर्मितीचा ध्यास लागला! एकेक थे...
Read more