रस्ता,वळण,झाडी


🔶सुंदर सुंदर वळणाची
नागमोडी वाट
गाडीतून पहाताना
असंख्य चित्रे डोळ्यासमोरून
भुरकन जात
त्याच त्याच रस्त्यावरून
परत परत जाता
गतजिवनातील आठवणींनी
मन उचंबळुन येई
माझ्या माहेरची मला
आठवणच येई
परत परत वाटे
त्याच त्याच रस्त्यावरून जावे
निसर्गाच्या कुशीत झोपुन जावे
वंदना नागरगोजे
🔺🔺🔺🔺🔺🔺🔺

🔶वळणाची वाट
आणि अवघड घाट
दिस जातील सरुन
असता तुझी रे साथ
अनिता लुगडे
🔺🔺🔺🔺🔺🔺🔺

🔶गतस्मृती उजळल्या
निसर्गाच्या कुशीत रमल्या..
या वाटेवर चालतांना
नजरेसमोर आल्या..।।
याच अनोळखी वाटेत
आपले नाते जुळले..
जीवनातील सहप्रवासी
जीवनसाथी झाले..।।
    
सौ. कल्पना देशमुख
🔺🔺🔺🔺🔺🔺🔺

🔶रस्ता....
घडवणारा
पढवणारा
जोडणारा
तोडणारा..
कोवळ्या जीवाला
जीवनचक्रात फिरवणारा
वाळणावळणावर
नवनिर्मितीचा आनंद देणारा..
सतत चालणारा
सोबत करणारा
तरीही आपलं अवकाश
सांभाळणारा...
आपल्यासोबतच
वयाने आणि अनुभवाने
समृद्ध होणारा..
योग्यायोग्याची
जाणीव करून देणारा..
वळणावळणाचा
नागमोडी...
यौवनातल्या भावनांसारखा...
तरल कधी चंचल
कधी सोबत धावणारा...
कधी सरळ निर्विकार
बाबांच्या विचारांसारखा..
वरवर सगळं सरळ
पण तेवढाच तिव्र आणि खोल..
कधी सालस,समजूतदार
जोडीदारासारखा
तेवढाच अवखळ आणि
हवाहवासा...
कधी माहेरच्या ओढीने
धावणारा
कधी परतीच्या नाराजीचा..
कधी नावापरिणितांसारखा..
संपूच नये असा वाटणारा...
कधी भावंडांसारखा अल्लड
आणि धमाल मस्तीचा...
कधी भूत भविष्य जोडणारा
कधी नकोस अंतर तोडणारा..
जन्मापासून शेवटपर्यंत
सोबत करणारा..
आनंद आणि अंत
निर्विकारपणे वाहणारा..
रस्ता..
साक्षीदार आपल्या प्रत्येक प्रवासाचा...
साक्षीदार आपल्या प्रत्येक सुख दुःखाचा...
सदैव आपल्याला सोबत करूनही
स्वतःच वेगळेपण जपणारा..
गाव,नाती,माती आणि ओढ
सगळं सांधायची याला भारी खोड..
टक्के टोणपे,आणि भरपूर ठेचा
यांच्यामधून जगण वेचा...
असा हा रस्ता
मला म्हणाला मुंगी बघ
उतरव तुझ्यात तिची रग..
एकेक पाऊल पुढे टाक
मोजू नको अंतर
आहे नाही याचा सारा
हिशोब करू नंतर...
मिटव पहिली तुझी
अंतरे अंतरातली...
पुसून टाक जळमटे
आत आत जी साठली..
धर हात माझा
नव्या वळणावर चल
काढून टाक सगळे
नको जुने सल..
हिरवी गच्च झालर..
पत्थरांचा घाट
ओलाव्याचा थाट
अन..
आयुष्याची नवी वाट...
शुभांगी कदम
🔺🔺🔺🔺🔺🔺🔺

सुंदर हे जीवनगाणे
मज शिकवी पुढे पुढे जाणे
परत फिरूनी न पहाणे
तरी गतस्मृतींना उजाळा देणे!!
डॉ.अस्मिता भस्मे

धन्यवाद!

#ज्ञानभाषामराठीप्रतिष्ठान
#चित्रकविता

Comments

Post a Comment

Popular posts from this blog

निष्पर्ण झाड

Image
 चित्र-निष्पर्ण  झाड   प्रीती कामत तेलंग त्यजूनिया पर्णराशी, ना त्याची खंत उराशी फलद्रुप होता जन्म सार्थकी, उणे न काही मम भाग्यासी।  प्रो. भारती प्रभू पानगळच ती...          आशा निराशेच्या झोक्यासारखी                    कधी उधळुन संपलेली          कधी बहरण्या आसुसलेली.    अंजली जोशी निष्पर्ण देह जरी झाला कृतार्थ जन्म हा माझा जीव एकच जरी हा माझा शतबीज सृजने बरसला  वृषाली गोखले पानगळ होई,परि सुप्त बीजे, बदलला ऋतू फिरुनी वृक्ष सुपर्णे पुन्हा विराजे मोद बहरे,सृष्टीत बहरुनी  स्मिता परदेशी सृजनशील सख्या ..... त्यांच्या कल्पकतेचा दरवळ उत्साहाची बीजे स्फुरती नैराश्याची आपसुकच पानगळ            सविता करंजकर पर्णहीन तरी लक्ष करांनी तू देशी आम्हां फळे.. किमया  त्या निर...
Read more

मधमाशी पोळे

Image
दुसऱ्यासाठी करी कर्म... हाच यासाठी श्रेष्ठ धर्म.... डॉ.अस्मिता भस्मे  मधुर रसाचा संचय करण्या नित्य निरंतर कार्य करी षटकोनांचा मधुकोष भरण्या सदैव सज्ज मधुमक्षिका ही अनिता संपत लुगडे. शिक्षिका, चेंबूर हायस्कूल.   मधुघट मधुघट हा तो साक्षात् अमृत! निसर्गाची ही करणी अद्भुत! फुलामधिल ही *मधु* संपत्ती! पळती व्याधी आणि विपत्ति संघकार्य ते अपूर्व,रेखीव! योजन सुद्धा,असते आखीव! सारे शिस्तीत,सारे नियोजित! जमून येते सर्व सुसंगत! किमया ही तर नयनमनोहर! आपण शिकूया,कार्य खरोखर! वृषाली गोखले  मधमाशी एक कीटक अनेक प्रजाती यात मकरंद करी गोळा साठवण करी पोळ्यात     समुहात हिचे वास्तव्य     विनाविश्रांती चाले कार्य     मधमाशांचे संवर्धन करूनी     करा निसर्गास सहकार्य..!! सौ. कल्पना देशमुख  किती सुंदर पोळे बघता क्षणीच मन मोहे अदभुत किमया मधमाशीची पोळ्यावरती मेणाचा थर पोळ्या खाली मधुर मध खरी किमया तर निसर्गाचीच वंदना नागरगोजे धन्यवाद!! #ज्ञानभाषामराठीप्रत...
Read more

दवबिंदू आणि निसर्गचित्र

Image
 चित्र-दवबिंदू आणि निसर्गचित्र   मोक्षदा नूलकर पानावरती दवबिंदू चे कोंदण हे कोणी शिंपले अलगद धरणी मातेने प्रेमाने ते झेलले  सौ.चंदना कैलास उतेकर झिरपले असते अस्तित्व काळ्या आईच्या कुशीत विसावलो होऊन जलबिंदू अलवार हरित पर्णराशीत  सविता करंजकर पहाट समयी सखे साजणी दवबिंदूंचा सडा अंगणी.. जणू गळाली आकाशातून अलगद एक टपोरी चांदणी.. क्षणभंगुर जरी आयुष्य दिधले रुप देखणे किती लाभले.. त्यातच त्या दिनकराने त्या मोत्याला दर्पण केले...  अंजली जोशी रूपं तुझे आरस्पानी वर्ख चंदेरी रेखे रवी मातीमध्ये मिटण्या आधी जगशी घटिका सौंदर्यांची  दीपा ठाणेकर मातीच्या गर्भामध्ये कोरडा उन्हाळा, ढेकळा ढेकळामध्ये पडती शुष्ककळा, पर्ण हिरवे ,सुके ओलेत्या गारव्याचे, देती संजीवन झेलूनी थेंब अळवाचे, (शुष्ककळा नवीन शब्द तयार झाला असावा - काव्यतून , साहित्यातून काही नवीन शब्दाची भर घातली जात असते... जसे पुष्कळा वगैरे...)  अनिता लुगडे गवताचे पाते त्याचे दवबिंदूशी नाते धरतीचा अंकूर जणू आकाशाला भेटे  वृषाली गोखले काळी आई आसुसली, नवनिर्मितीचा ध्यास लागला! एकेक थे...
Read more