गिधाड

गिधाडं....
शेवटच्या आचक्यांची आतुरतेनं वाट बघणारी
ती जंगली गिधाडं
आणि जिवंतपणीच लचके तोडणारी
माणसातली गिधाडं
कधी शरीराचे कधी मनाचे....
कोपर्याकोपर्यावर प्रत्येक वळणावर
संधी मिळालीच तर गर्दीच्या केंद्रावर
संस्कारांच्या आवरणाखाली दडलेली
पाशवी गिधाडं.....
वाट फुटेल तिकडे धाव तू
ऊर फुटेस्तोवर
आर्त किंकाळ्या मार तू
आभाळ भरेस्तोवर
त्याचेही व्हिडिओ व्हायरल करून
लाइक मिळवणारी
माॅडर्न गिधाडं.....
गिधाडं.....
      
सौ स्मिता परदेशी.

अरे गिधाडा...
तू पहातोस काय मजकडे..
माझ्या अर्धमेल्या शरीराकडे।
तू फक्त मृतदेह मांस भक्षण करतो, पोट भरतो
अन् स्वच्छ करतो जंगल परिसर।
या द्विपाद मानवी प्राण्याला काय म्हणावे...
तो जीवंत माणसालाच निर्जीव करतो...
गलिच्छ करतो सारी सृष्टी।
बोध घे तू यातून...
कधी बदलतील तुझे विचार..??
अन् बदलेल का तुझी दृष्टी...
सौ. कल्पना देशमुख

मौनातील संवेदना!
जीवो जीवस्य जीवनम्
हा निसर्गाचा न्याय आहे,
माझी देवदत्त भूमिका मृतभक्ष्य खाणे आहे!
लचका नका म्हणू,माझा निसर्गदत्त घास आहे तो,
मेल्यावरच भक्षायला त्या प्रेताकडे, मी जातो!
हा एक,बालजीव,मरण यातना भोगतोय,
शक्य तेवढा,मनाने मी दुःखात सहभागी होतोय!
हवे तर,भूमिकेत बदल करूया का?
मी सांगतो,तसे देवाला!
नको पण राहूदे,
माणसांच्या भूमिकेत कदाचित विसरू आम्हीं नियत,
आणि गिधाडांच्या भूमिकेत माणसेही विसरतील त्यांची नियत!
वृषाली गोखले
धन्यवाद!!
#ज्ञानभाषामराठीप्रतिष्ठान
#चित्रकविता

Comments

Post a Comment

Popular posts from this blog

निष्पर्ण झाड

Image
 चित्र-निष्पर्ण  झाड   प्रीती कामत तेलंग त्यजूनिया पर्णराशी, ना त्याची खंत उराशी फलद्रुप होता जन्म सार्थकी, उणे न काही मम भाग्यासी।  प्रो. भारती प्रभू पानगळच ती...          आशा निराशेच्या झोक्यासारखी                    कधी उधळुन संपलेली          कधी बहरण्या आसुसलेली.    अंजली जोशी निष्पर्ण देह जरी झाला कृतार्थ जन्म हा माझा जीव एकच जरी हा माझा शतबीज सृजने बरसला  वृषाली गोखले पानगळ होई,परि सुप्त बीजे, बदलला ऋतू फिरुनी वृक्ष सुपर्णे पुन्हा विराजे मोद बहरे,सृष्टीत बहरुनी  स्मिता परदेशी सृजनशील सख्या ..... त्यांच्या कल्पकतेचा दरवळ उत्साहाची बीजे स्फुरती नैराश्याची आपसुकच पानगळ            सविता करंजकर पर्णहीन तरी लक्ष करांनी तू देशी आम्हां फळे.. किमया  त्या निर...
Read more

मधमाशी पोळे

Image
दुसऱ्यासाठी करी कर्म... हाच यासाठी श्रेष्ठ धर्म.... डॉ.अस्मिता भस्मे  मधुर रसाचा संचय करण्या नित्य निरंतर कार्य करी षटकोनांचा मधुकोष भरण्या सदैव सज्ज मधुमक्षिका ही अनिता संपत लुगडे. शिक्षिका, चेंबूर हायस्कूल.   मधुघट मधुघट हा तो साक्षात् अमृत! निसर्गाची ही करणी अद्भुत! फुलामधिल ही *मधु* संपत्ती! पळती व्याधी आणि विपत्ति संघकार्य ते अपूर्व,रेखीव! योजन सुद्धा,असते आखीव! सारे शिस्तीत,सारे नियोजित! जमून येते सर्व सुसंगत! किमया ही तर नयनमनोहर! आपण शिकूया,कार्य खरोखर! वृषाली गोखले  मधमाशी एक कीटक अनेक प्रजाती यात मकरंद करी गोळा साठवण करी पोळ्यात     समुहात हिचे वास्तव्य     विनाविश्रांती चाले कार्य     मधमाशांचे संवर्धन करूनी     करा निसर्गास सहकार्य..!! सौ. कल्पना देशमुख  किती सुंदर पोळे बघता क्षणीच मन मोहे अदभुत किमया मधमाशीची पोळ्यावरती मेणाचा थर पोळ्या खाली मधुर मध खरी किमया तर निसर्गाचीच वंदना नागरगोजे धन्यवाद!! #ज्ञानभाषामराठीप्रत...
Read more

दवबिंदू आणि निसर्गचित्र

Image
 चित्र-दवबिंदू आणि निसर्गचित्र   मोक्षदा नूलकर पानावरती दवबिंदू चे कोंदण हे कोणी शिंपले अलगद धरणी मातेने प्रेमाने ते झेलले  सौ.चंदना कैलास उतेकर झिरपले असते अस्तित्व काळ्या आईच्या कुशीत विसावलो होऊन जलबिंदू अलवार हरित पर्णराशीत  सविता करंजकर पहाट समयी सखे साजणी दवबिंदूंचा सडा अंगणी.. जणू गळाली आकाशातून अलगद एक टपोरी चांदणी.. क्षणभंगुर जरी आयुष्य दिधले रुप देखणे किती लाभले.. त्यातच त्या दिनकराने त्या मोत्याला दर्पण केले...  अंजली जोशी रूपं तुझे आरस्पानी वर्ख चंदेरी रेखे रवी मातीमध्ये मिटण्या आधी जगशी घटिका सौंदर्यांची  दीपा ठाणेकर मातीच्या गर्भामध्ये कोरडा उन्हाळा, ढेकळा ढेकळामध्ये पडती शुष्ककळा, पर्ण हिरवे ,सुके ओलेत्या गारव्याचे, देती संजीवन झेलूनी थेंब अळवाचे, (शुष्ककळा नवीन शब्द तयार झाला असावा - काव्यतून , साहित्यातून काही नवीन शब्दाची भर घातली जात असते... जसे पुष्कळा वगैरे...)  अनिता लुगडे गवताचे पाते त्याचे दवबिंदूशी नाते धरतीचा अंकूर जणू आकाशाला भेटे  वृषाली गोखले काळी आई आसुसली, नवनिर्मितीचा ध्यास लागला! एकेक थे...
Read more