हापसी

हापसी!!
बाल्याच्या उंबरठ्यावरून
परतून गेले माझे बालपण...
पोटापाण्याच्या चिंतेने
ग्रासले पहा माझे मन...
सविता कारंजकर

बालपण म्हणजे
बालपण म्हणजे
मुक्तपणे हिंडणे,फिरणे
खेळात रममाण होणे..
गप्पागोष्टी, गाणे यांत
धुंद होऊन जाणे..।।
     बालपण म्हणजे
     क्षणात हसणे,रडणे
     अन् रागावणे..
     कट्टीबट्टीशी दोस्ती करूनी
     दिलखुलास जगणे..।।
बालपण म्हणजे
निर्व्याज, निर्लोभ मैत्री
गुणदोष न पाहता..
अतूट नात्याची खात्री..।।
     बालपण म्हणजे
     आईची शिस्त,शाबासकी
      धपाटा व आदरयुक्त भिती
      तिच्या कुशीत निजणे
      जणू स्वर्गानंद प्राप्ती..।।
बालपण म्हणजे
या सृष्टीत उगवणारे
निरागस फूलं
बालसंस्काराच्या सिंचनाने
घडेल आदर्श मूलं..।।
सौ. कल्पना देशमुख

निरागस बालकास...
बालभाव जीवनातला जाऊच नये कधी!
मौनपणातच असते,
अनुभूती साधी!
बालकभावात जगणे,
खरेच फार कठीण!
सगळ्या त्या अमूर्त क्षणांची
असते ती सुखद आठवण!
वृषाली गोखले
श्रमप्रतिष्ठा की मजा?
गावप्रतिष्ठा की सजा?
वेठीस का धरावे बाल्यास?
का हे नं कळे मोठ्यास?
जरी हौसेने धरिली अवजारे हातांत,
परि शक्ती नसे ती शरीरात!
बालकास ते सांभाळावे,
मजेत त्यांना ठेवावे!
भाव~जीव तो त्यांचा आणिक,
जीवन त्यांचे रक्षावे!
फुलवावे,टिकवावे ते बाल्य निरागस,
दक्ष रहावे सर्वांनीच हो,
रक्षावे ते गोंडस, लोभस!
म्हणे, *"मोठयाबरोबर आम्हीही काम करणार,"*
आम्हीं नाही हो तुम्हांला काम करू देणार!
तुम्हीच तर राष्ट्राचे दूत होणार!.राष्ट्र घडवणार...
वृषाली गोखले
🔺🔺🔺🔺🔺🔺🔺🔺🔺🔺🔺🔺🔺🔺

 चित्र पहाता मनात आले
खेड्यात पाण्याचे दुर्भिक्ष जाणवे
उन्हा-तान्हात बालके वणवण फिरे
हापस्यावरती हसतखेळत आळीपाळीने पाणी उपसीत
एकमेकांना समजून घेऊन आंघोळ आटपीत
असेच संस्कार कायम ठेवा
पाण्याचे महत्त्व जाणा
लहानपणापासून सवय लावा
पाणी हेच जीवन आहे

वंदना नागरगोजे
तृष्णेसाठी उदक उपसती ...
ते पाण्याचे मोल जाणती...

#ज्ञानभाषामराठीप्रतिष्ठान
#चित्रकविता

Comments

Post a Comment

Popular posts from this blog

निष्पर्ण झाड

Image
 चित्र-निष्पर्ण  झाड   प्रीती कामत तेलंग त्यजूनिया पर्णराशी, ना त्याची खंत उराशी फलद्रुप होता जन्म सार्थकी, उणे न काही मम भाग्यासी।  प्रो. भारती प्रभू पानगळच ती...          आशा निराशेच्या झोक्यासारखी                    कधी उधळुन संपलेली          कधी बहरण्या आसुसलेली.    अंजली जोशी निष्पर्ण देह जरी झाला कृतार्थ जन्म हा माझा जीव एकच जरी हा माझा शतबीज सृजने बरसला  वृषाली गोखले पानगळ होई,परि सुप्त बीजे, बदलला ऋतू फिरुनी वृक्ष सुपर्णे पुन्हा विराजे मोद बहरे,सृष्टीत बहरुनी  स्मिता परदेशी सृजनशील सख्या ..... त्यांच्या कल्पकतेचा दरवळ उत्साहाची बीजे स्फुरती नैराश्याची आपसुकच पानगळ            सविता करंजकर पर्णहीन तरी लक्ष करांनी तू देशी आम्हां फळे.. किमया  त्या निर...
Read more

मधमाशी पोळे

Image
दुसऱ्यासाठी करी कर्म... हाच यासाठी श्रेष्ठ धर्म.... डॉ.अस्मिता भस्मे  मधुर रसाचा संचय करण्या नित्य निरंतर कार्य करी षटकोनांचा मधुकोष भरण्या सदैव सज्ज मधुमक्षिका ही अनिता संपत लुगडे. शिक्षिका, चेंबूर हायस्कूल.   मधुघट मधुघट हा तो साक्षात् अमृत! निसर्गाची ही करणी अद्भुत! फुलामधिल ही *मधु* संपत्ती! पळती व्याधी आणि विपत्ति संघकार्य ते अपूर्व,रेखीव! योजन सुद्धा,असते आखीव! सारे शिस्तीत,सारे नियोजित! जमून येते सर्व सुसंगत! किमया ही तर नयनमनोहर! आपण शिकूया,कार्य खरोखर! वृषाली गोखले  मधमाशी एक कीटक अनेक प्रजाती यात मकरंद करी गोळा साठवण करी पोळ्यात     समुहात हिचे वास्तव्य     विनाविश्रांती चाले कार्य     मधमाशांचे संवर्धन करूनी     करा निसर्गास सहकार्य..!! सौ. कल्पना देशमुख  किती सुंदर पोळे बघता क्षणीच मन मोहे अदभुत किमया मधमाशीची पोळ्यावरती मेणाचा थर पोळ्या खाली मधुर मध खरी किमया तर निसर्गाचीच वंदना नागरगोजे धन्यवाद!! #ज्ञानभाषामराठीप्रत...
Read more

दवबिंदू आणि निसर्गचित्र

Image
 चित्र-दवबिंदू आणि निसर्गचित्र   मोक्षदा नूलकर पानावरती दवबिंदू चे कोंदण हे कोणी शिंपले अलगद धरणी मातेने प्रेमाने ते झेलले  सौ.चंदना कैलास उतेकर झिरपले असते अस्तित्व काळ्या आईच्या कुशीत विसावलो होऊन जलबिंदू अलवार हरित पर्णराशीत  सविता करंजकर पहाट समयी सखे साजणी दवबिंदूंचा सडा अंगणी.. जणू गळाली आकाशातून अलगद एक टपोरी चांदणी.. क्षणभंगुर जरी आयुष्य दिधले रुप देखणे किती लाभले.. त्यातच त्या दिनकराने त्या मोत्याला दर्पण केले...  अंजली जोशी रूपं तुझे आरस्पानी वर्ख चंदेरी रेखे रवी मातीमध्ये मिटण्या आधी जगशी घटिका सौंदर्यांची  दीपा ठाणेकर मातीच्या गर्भामध्ये कोरडा उन्हाळा, ढेकळा ढेकळामध्ये पडती शुष्ककळा, पर्ण हिरवे ,सुके ओलेत्या गारव्याचे, देती संजीवन झेलूनी थेंब अळवाचे, (शुष्ककळा नवीन शब्द तयार झाला असावा - काव्यतून , साहित्यातून काही नवीन शब्दाची भर घातली जात असते... जसे पुष्कळा वगैरे...)  अनिता लुगडे गवताचे पाते त्याचे दवबिंदूशी नाते धरतीचा अंकूर जणू आकाशाला भेटे  वृषाली गोखले काळी आई आसुसली, नवनिर्मितीचा ध्यास लागला! एकेक थे...
Read more